Джозеф Листер

Джозеф Листер (1827 жыл 5 сәуір, Эссекс - 1912 жыл 10 ақпан, Кент) - көрнекті ағылшын хирургы, хирургиялық асептика негізін салушы.

Еңбек жолы

1852 жылы Лондон университетін бітірген. Ол Глазго (1860), Эдинбург (1869) және Лондонда (1877-1882) хирург профессор болып қызмет істеді. Лондон корольдық хирургия қоғамының өкілі (1896), кейін президенті (1885-1900). Ол 1867 жылы Н.И.Пирогов, Ф.Зиммельвейс, Л.Пастер еңбектеріне және өзінің ғылыми зерттеулеріне сүйеніп, операциядан кейін жарақаттың, жараның ішіне сырттан инфекцияның түсуіне жол бермеу әдісін ұсынды. Бұл әдіс жараны карбол қышқылы сіңірілген бірнеше қабат таңғышпен таңу, операция жасайтын бөлмеге де осы қышқылды шашу, қолды, операция саймандарын сүрту және т.б. Осы әдісті қолдану нәтиесінде операциядан кейін болатын өлім-жітім кеміді.^[1]

Дереккөздер

1. Қазақ Совет Энциклопедиясы, Алматы, 1974ж., 7 том